O presidente do Parlamento homenaxea a Fernández Albor, “un dos piares da autonomía galega”


 
 

Santiago, 12 de xullo de 2018.- O presidente do Parlamento de Galicia, Miguel Ángel Santalices Vieira, lamenta o falecemento do exdeputado autonómico e expresidente da Xunta Gerardo Fernández Albor, ao que considera “un dos piares da autonomía galega”.
 
A xuízo de Santalices Vieira, a sociedade galega está en débeda con Fernández Albor polo seu traballo “sempre desinteresado, mais non sempre comprendido no seu tempo, na edificación do autogoberno de Galicia”.
 
“O legado de Fernández Albor, galego universal, que amou intensamente a Galicia sen deixar por iso de sentirse profundamente español e europeo, permanecerá imperecedoiro na memoria colectiva. Descanse en paz un galego bo e xeneroso”, afirma Santalices.
 
 
 
Saúdos, Gabinete de Comunicación do Parlamento de Galicia.

Imaxes relacionadas